प्रियंका कार्की, नायिका
श्रावण ९, २०७१
कतिवटा चलचित्रमा काम गर्नुभयो ?
११ पुग्न लाग्यो।
तपाईं मिडियामा हिट कि चलचित्रमा ?
चलचित्रमा काम गर्ने भएकीले चलचित्रमा, नायिका भएकीले मिडियामा पनि।
तपाईंले अभिनय गरेका धेरै चलचित्र त चलेनन् नि ?
सबै चल्छन् भन्ने पनि छैन, सफल हुनलाई असफलताको स्वाद पनि चाख्नै पर्छ। 'झोले', 'नाइँ नभन्नु ल' जस्ता सफल चलचित्र पनि त छन्।
चलचित्र नचल्नुमा तपाईंको छनौट गलत कि निर्माण नै गलत ?
केही दर्शकलाई मन परेन, केहीको रिलिज नै गलत भयो, तर जतिमा म देखिएँ सबैमा दर्शकले मलाई मन पराएको पाएको छु।
चलचित्र नचल्दा करियरमा फरक पर्दैन ?
फरक पर्ने भएको भए, अहिले म यति व्यस्त हुन्न थिएँ।
चलचित्रमा बिकनी लगाएर आउने कुरा गर्नुभएछ ?
कुनै चलचित्रमा बिकनी लगाउनुको लजिक गतिलो छ भने मात्र लगाउन सकिन्छ भनेकी हुँ।
'मेरो बेस्टफ्रेन्ड’मा लगाउनुभएको छ नि ?
त्यो मलाई सुहाएको थिएन र ?
तपाईंलाई दिक्क लाग्ने आफ्नै बानी ?
बढी मिलनसार छु कि !
कुन नेपाली एक्टरसँग अनस्क्रिन रोमान्स गर्ने मन छ ?
सौगात मल्ल।
सौगात मल्लसँग त भर्खरै 'फन्को’मा काम गर्नुभयो, हैन र ?
तर रोमान्स गर्न पाइएन नि त। ऊ मेरो अपोजिटमा थिएन।
सेक्सी लाग्ने तीन स्वदेशी पुरुष ?
पारस खड्का, भूषण दाहाल र अनुपविक्रम शाही।
स्वादिलो गरी पकाउन आउने कुरा ?
मम र कुखुराको मासु।
तीन कुरा जुनबिना बाँच्न सक्नुहुन्न ?
मोबाइल विद इन्टरनेट, नृत्य र अभिनय।
कुन सेलिब्रेटीलाई देख्दा सेक्स डिजायर बढेको अनुभूति हुन्छ ?
ऋतिक रोशन।
डान्स कोरियोग्राफ पनि गर्न थाल्नुभएछ ?
'पुन्टे परेड'को कुरा गर्नुभएको होला, तर थालेकी होइन, केही म्युजिक भिडियोमा गरिसकेकी छु। म नायिका नभएको भए डान्स कोरियोग्राफर हुन्थें।
श्रीमान्लाई किन छाडेको ?
विवाहपछि थाहा भयो कि ऊ र म एक-अर्काका लागि बनेका रहेनछौं।
प्रेम विवाहमा पनि त्यस्तो हुन्छ त ? पहिले नै एक-अर्काका बारेमा थाहा थियो होला नि ?
प्रेम गर्दा जस्तो व्यवहार हुन्छ, विवाह पछि फरक पर्दो रहेछ।
अब फेरि विवाह नगर्ने ?
गर्ने नि किन नगर्ने ? केही वर्षपछि।
त्यसो भए रोजिसक्नुभयो ?
रोजिसकेकी छैन, अहिले रोज्ने र खोज्ने फुर्सद पनि छैन।
अबको १० वर्षपछि तपाईंलाई कुन अवस्थामा
भेटिएला ?
उमेर १० वर्ष बढे पनि यस्तै बोली, यस्तै व्यवहारका साथ यही क्षेत्रमा कटिबद्ध हुन्छु।
सेक्स केका लागि, सन्तान उत्पादन कि चरम आनन्द ?
अवस्था हेरेर।
प्रकाशित :श्रावण ९, २०७१
यात्रा सन्दर्भ बाट अरु
- कथा काठमाडौं सहरको भाद्र १९, २०७५
- हिंसात्मक आन्दोलनलाई छड्के हानेर भाद्र १३, २०७५
- सिनेमा र राजनीतिका हस्ती भाद्र ३, २०७५
- आशान्तको अशान्त मन भाद्र २, २०७५
- दीपकको दाउमा छक्कापन्जा श्रावण २१, २०७५
- काठमाडौं सहरका परिघटना श्रावण १२, २०७५
- सन्दर्भमा साहित्य श्रावण १०, २०७५
- कर्णालीको कथा श्रावण १, २०७५
- स्वतन्त्रताका सीमाहरूको सहर असार २९, २०७५
- ने मुनि र मञ्जुश्री असार २१, २०७५
तपाईको प्रतिक्रिया
कमेन्टको लागि यहाँ click गर्नुहोस्
फेसबूक कमेन्ट गर्नुहोस्
फेसबूक छैन? यो फारम प्रयोग गर्नुहोस्