निश्चल बस्नेत, निर्देशक
कार्तिक २१, २०७१
काठमाडौंमा 'टलकजंग भर्सेज टुल्के’ राम्रै चलेको हो त ?
राम्रै सुरुवात गरेको छ । आजबाट उपत्यकाबाहिर पनि प्रदर्शन हुन थालेको छ ।
'कबड्डी’मा त राम्रै अभिनय गर्नुभएको थियो, टुल्के पनि आफैं बन्नु भएको भए पनि त हुने थियो नि ?
'कबड्डी' मा त काकताली परेर अभिनय गरेको हो । टुल्केमा खगेन्द्र लामिछाने नै फिट छन् ।
'टलकजंग भर्सेज टुल्के’ चाहिँ 'लुट’ जत्तिको भएन भन्नेहरू पनि छन् नि ?
दुवै भिन्दा-भिन्दै परिवेशका चलचित्र हुन् । त्यसैले त्यस्तो भएको हुनसक्छ ।
यसले 'लुट’ले जस्तो चर्चा कमाउला त ?
कामका हिसाबमा 'लुट'भन्दा राम्रो मान्छु म यसलाई । यसपटक भने टुल्के बनेका खगेन्द्र लामिछानेले 'लुट'का हाकु कालेकै जस्तो चर्चा पाउँछन् होला ।
'टलकजंग भर्सेज टुल्के’ नबनाएर ’लुट-टु’ बनाएको भए पनि हुन्थ्यो नि ?
स्क्रिप्टको काम सकिएको भए बनाउँथे होला । सकिएन, त्यसैले टुल्के बनाएँ ।
कहिले बनाउने त ?
तुरुन्तै लुट टु बनाउँदिनँ । बरु अब एउटा कमेडी चलचित्र बनाउँछु । त्यसपछि चाहिँ सोच्नुपर्ला ।
हिट निर्देशकलाई नायिका हुन खोज्नेहरूले निकै पछ्याउँछन् होला हैन ?
पछ्याएका भए म यसरी एक्लै लुखुर-लुखुर हिंड्थे होला त ?
निश्चल बस्नेत विवाहित हो भन्ने हल्ला पनि छ ?
ए, त्यही भएर पो कोही पछि नलाग्या रहेछन् ।
विवाह नगर्ने ?
गर्न त गर्ने हो नि । लगन जुर्ला नि कुनै दिन ।
लभ त पक्कै परेको होला ?
कतिपटक पर्यो, अनि छुट्यो पनि । अब फेरि पनि पर्ला ।
एउटी नायिकासँगको चक्कर पनि चर्चामा थियो ?
लौ, तपाईंले त नायिका मात्र सुन्नुभएछ । मैले त नायिका, सञ्चारकर्मीलगायत दुई तीन जनासँग पो सुनें त ।
सत्यचाहिँ के हो ?
अघि भनिहालें नि म एक्लो छु । अब मेरो विवाह भएको छैन भन्ने थाहा पाएपछि आउलान् नि कोही ।
मन नपर्ने सेलिब्रेटी ?
राखी सावन्त ।
सेक्सी लाग्ने दुई नायिका ?
ऋचा शर्मा र मेनुका प्रधान ।
त्यो कलाकार जसलाई आफ्नो चलचित्रमा भूमिका दिने रहर छ ?
कामेश्वर चौरसिया ।
सौगात मल्ललाई फेरि किन आफ्ना चलचित्रमा रिपिट नगर्नुभएको ?
उहाँलाई चित्त बुझ्ने भूमिका दिन नसकेर ।
विवाहको पहिलो रात श्रीमती समलिंगी हुन् भन्ने कुरा थाहा पाउनुभयो भने ?
थाहा पाउने बित्तिकै बत्ती निभाउँछु र टाप कस्छु । त्यसपछि उनले जेसुकै गरुन् ।
बिहान उठ्दा राम्री युवतीमा परिवर्तन हुनुभएछ भने ?
आफैंलाई देखेर तर्सिन्थें होला ।
प्रकाशित :कार्तिक २१, २०७१
यात्रा सन्दर्भ बाट अरु
- कथा काठमाडौं सहरको भाद्र १९, २०७५
- हिंसात्मक आन्दोलनलाई छड्के हानेर भाद्र १३, २०७५
- सिनेमा र राजनीतिका हस्ती भाद्र ३, २०७५
- आशान्तको अशान्त मन भाद्र २, २०७५
- दीपकको दाउमा छक्कापन्जा श्रावण २१, २०७५
- काठमाडौं सहरका परिघटना श्रावण १२, २०७५
- सन्दर्भमा साहित्य श्रावण १०, २०७५
- कर्णालीको कथा श्रावण १, २०७५
- स्वतन्त्रताका सीमाहरूको सहर असार २९, २०७५
- ने मुनि र मञ्जुश्री असार २१, २०७५
तपाईको प्रतिक्रिया
कमेन्टको लागि यहाँ click गर्नुहोस्
फेसबूक कमेन्ट गर्नुहोस्
फेसबूक छैन? यो फारम प्रयोग गर्नुहोस्